നവംബര്‍ 2
സ.എ.ബി.ബിജേഷ് രക്തസാക്ഷിദിനം
സഖാവേ..
വീട്ടിലേയ്ക്കുള്ളവഴികളില്‍
ഓരോ കവലയിലും, തിരുവിലും
ഒരേ നോട്ടം കൊണ്ട്, ഒരേ നില്‍പ്പുകൊണ്ട്
നീയെന്റെ നെഞ്ച്‌പൊട്ടിക്കുന്നു.
നിനക്കാദരാഞ്ജലികള്‍ എഴുതിയ
ചുവന്ന ഫളക്‌സ് ബോര്‍ഡിനുള്ളില്‍
നിന്ന് നീ...
അതേ മഴനനയുന്നു..
അതേ വെയിലേല്ക്കുന്നു...
ആയിരങ്ങള്‍ നിന്നെയോര്‍ത്ത്
കരഞ്ഞതൊക്കെയും..
മഴയായി നിന്നെ
നനക്കുന്നുവല്ലോ...സഖാവെ..
'ഇല്ല..ഇല്ല..മരിക്കുന്നില്ല..
സഖാവ്..ബിജേഷ്..'
ദൂരങ്ങള്‍ തോറ്റുപോയ
നിന്റെ വിലാപയാത്രയില്‍
ആരുടെയോ മുദ്രാവാക്യം
തൊണ്ടയില്‍ കുഴഞ്ഞുവീഴുന്നു..
എല്ലാമുഖങ്ങള്‍ക്കും വേദനയുടെ,
വേര്‍പാടിന്റെ ഭാവംനല്‍കി
നീമാത്രം ചിരിച്ചുറങ്ങുന്നു...
സഖാവേ...
നിന്റെ രക്തസാക്ഷിത്വം
കാര്‍മേഘങ്ങള്‍ക്ക്
രക്തവര്‍ണ്ണംപകരുന്നു..
നിന്റെ രക്തംനക്കി
നാവുപൊള്ളിയ പട്ടികള്‍,
തെരുവില്‍ ദാഹിച്ചലയുമ്പോള്‍
കല്ലെറിഞ്ഞോടിക്കാന്‍
ആയിരങ്ങളുണ്ടാകും..
എല്ലാമുഖങ്ങള്‍ക്കും വേദനയുടെ,
ReplyDeleteവേര്‍പാടിന്റെ ഭാവംനല്‍കി
നീമാത്രം ചിരിച്ചുറങ്ങുന്നു...
സഖാവേ...
കൊള്ളാം..
ഇത്ര നല്ല കവിതകള്‍ക്ക്‌ ഒരു കമന്റു പോലും ലഭിക്കാഞ്ഞതെന്തു?